Школьнікі перастануць атрымліваць адзнакі і хатнія заданні па прадмеце «Мастацтва»
14- 26.05.2016, 14:35
- 10,395
Новаўвядзенне ўвойдзе ў дзеянне з 1 верасня 2016 года.
Школьнікі перастануць атрымліваць адзнакі і хатнія заданні па прадмеце «Мастацтва. Айчынная і сусветная мастацкая культура». Пра гэта tut.by паведаміла Святлана Уклейка, начальнік управы агульнай сярэдняй адукацыі Міністэрства адукацыі.
Новаўвядзенне ўвойдзе ў дзеянне з 1 верасня 2016 года. Настаўнікі не будуць выстаўляць ацэнкі і задаваць хатнія заданні па мастацтве як у 5-м, так і ў 6-м класах.
- Напэўна, гэта не той прадмет, па якім варта выстаўляць адзнакі. Паглядзім, як пойдзе, - сказала Святлана Уклейка.
Нагадаем, прадмет «Мастацтва. Айчынная і сусветная мастацкая культура» 5-класнікі сталі вывучаць з верасня 2015 года. Ён прыйшоў на змену прадмету «Сусветная мастацкая культура», які прыбралі са школьнай праграмы ў 2008 годзе.
Аднак навучальныя праграмы мастацтва і МХК адрозніваюцца.
У 2015/2016 навучальным годзе «Мастацтва. Айчынная і сусветная мастацкая культура» выкладаюць толькі ў 5-м класе.
У 2016/2017-м будуць выкладаць ужо ў 5-м і 6-м. Такім чынам за 5 гадоў прадмет цалкам увойдзе ў праграму базавай школы.