Арына Сабаленка: Вельмі радая перамагчы на сваім першым турніры з прызам $50 тысяч

Дзякуючы гэтай перамозе васямнаццацігадовая беларуска Арына Сабаленка ўпершыню ў сваёй кар'еры ўвайшла ў топ міжнароднага рэйтынгу WТА.

Беларуска Арына Сабаленка стала пераможцай адзіночнага катэгорыі міжнароднага жаночага турніру з прызавым фондам 50 000 даляраў, які закончыўся ў кітайскім горадзе Цяньцзінь.

У заключнай сустрэчы на турніры васямнаццацігадовая Арына (250-ы нумар рэйтынгу WТА), пасеяная на турніры пад сёмым нумарам, падолела дзевятнаццацігадовую Ніну Стаянавіч (304-я ракетка свету) з Сербіі - 5:7, 6:3, 6:1. Дзякуючы гэтай перамозе Арына ўпершыню ў сваёй кар'еры ўвойдзе ў Тop-200 міжнароднага рэйтынгу WТА.

- Я вельмі радая перамагчы на сваім першым турніры з прызавым фондам 50 000 даляраў! - сказала Арына пасля перамогі ў эксклюзіўным інтэрв'ю прэс-службе Беларускай тэніснай федэрацыі. - Вялікі дзякуй майму трэнеру Уладзіміру Пярко, а таксама спарынг-партнёру Антону Дуброву і трэнеру АФП Вадзіму Сашурыну, якія дапамагалі мне рыхтавацца да гэтых турніраў! Дзякуй вялікі ўсім, хто падтрымліваў мяне на працягу гэтых двух тыдняў у Кітаі!