Цэнтр Менска на святы ачысцяць ад прыпаркаваных аўтамабіляў

Таксама будзе абмежаваны рух па МКАД і некаторых трасах каля Менска.

Старшы інспектар ДАІ Цэнтральнага раёна Анастасія Радзько папярэдзіла карэспандэнта Onliner.by і ўсіх астатніх кіроўцаў, дзе паркавацца будзе нельга і ўпрошваць бессэнсоўна.

З 00:00 7 траўня і да заканчэння святочных мерапрыемстваў 9 траўня будзе забароненая паркоўка аўтатранспарту:

на вул. Камуністычнай ад вул. Чырвонай да вул. Кісялёва;

на вул. Кісялёва ад пл. Перамогі да вул. Куйбышава;

на вул. Чырвонай ад пр. Машэрава да вул. Камуністычнай, уключаючы прыдарожныя паркоўкі;

на вул. Кісялёва ад пл. Перамогі да вул. Куйбышава, уключаючы прыдарожныя паркоўкі.

З 22:00 8 траўня да 23:00 9 траўня будзе забароненая паркоўка аўтатранспарту:

на пр. Машэрава ад пр. Незалежнасці да пр. Пераможцаў, уключаючы прыдарожныя паркоўкі;

на паркоўцы каля дома №41 на пр. Пераможцаў (побач з хімчысткай «Ззянне»);

на прыдарожнай паркоўцы на пр. Машэрава паміж вул. Заслаўскай і пр. Пераможцаў.

Дзяржаўтаінспекцыя рэкамендуе кіроўцам улічваць гэтую інфармацыю пры выбары месца для прыпынку і стаянкі і настойліва просіць кіроўцаў у выпадку вымушанага прыпынку ў названых месцах пакідаць пад пярэдняй шыбай кантактны тэлефон для сувязі. Будзе працаваць эвакуатар.

Пад Менскам у гісторыка-культурным комплексе «Лінія Сталіна» таксама пройдуць урачыстыя мерапрыемствы. У ДАІ Менскай вобласці папярэдзілі, што на аўтадарозе Р28 (Менск - Маладзечна - Нарач) у межах Менскага раёна ў перыяд з 7 да 9 траўня з 10:00 да 20:00 будзе змененая схема арганізацыі дарожнага руху.

Аб'езд адрэзка на аўтамабільнай дарозе Р28 будзе арганізаваны праз аўтамабільныя дарогі Н8949 (Заслаўе - Боўблі) і М14 (другая колавая дарога вакол Менска).

Для рэгулявання руху на прылеглых да комплексу аўтадарогах будуць працаваць патрулі дарожнай службы ДАІ, а таксама ўсталююць дадатковыя дарожныя знакі.

10 траўня ў Беларусі Радаўніца. У сувязі з гэтым будуць унесеныя часовыя змены арганізацыі дарожнага руху ў раёне Чыжоўскіх могілак, распавяла старэйшы інспектар ДАІ Заводскага раёна Таццяна Лапко.

На МКАД у раёне Чыжоўскіх могілак будзе арганізаваны дадатковы наземны пешаходны пераход, які рэгулюецца супрацоўнікамі ДАІ. Для гэтага раздзяляльную агароджу адкрыюць, у сувязі з чым будуць уводзіцца часовыя абмежаванні руху транспартных сродкаў па 3-м палосах МКАД у абодвух кірунках. Дазволеную хуткасць руху знізяць да 50 км/г.

Дадатковыя месцы для стаянкі транспартных сродкаў выдзеляць на полі перад уездам на тэрыторыю могілак.

Рух на пад'язной дарозе ад МКАД да могілак стане аднабаковым. Выезд транспартных сродкаў дазволены ўздоўж могілак і далей праз пасёлак Новы двор.