Працоўныя з Магілёва: Мы ў шоку, як выжываць?

Кіраўніцтва ААТ «Магілёўцывільпраект» больш як паўтары месяцы не выдае работнікам заплату.

Пра гэта praca-by.info паведамілі работнікі прадпрыемства.

- Заробку няма ўжо 48 дзён. Далі толькі па 20% тарыфу (па 650 тысяч). Дырэктар два разы памяншаў тарыфы і набаўкі пры захаванні поўнага працоўнага тыдня. Дзякуючы ягонай «гнуткай» палітыцы звольнілася шмат добрых спецыялістаў, кагосьці проста выжылі. На сённяшні дзень няма кантрактаў на распрацоўку ПКД, сабралася шмат неаплат за выкананую работу. Мы ў шоку, як выжываць? - задаюць пытанне работнікі ААТ «Магілёўцывільпраект».