Інвестары пачалі выводзіць грошы з Расеі

Прыток сродкаў фондаў-інвестараў у Расею змяніўся адтокам на фоне маштабных кадравых «чыстак» у дзяржапараце РФ.

За тыдзень з 21 да 27 ліпеня 2016 года ўкладчыкі вывелі з фондаў-інвестараў у расейскія актывы фондаў у агульнай складанасці $6,9 млн, паведамляе «Інтэрфакс» са спасылкай на звесткі Emerging Portfolio Fund Research (EPFR). Тыднем раней прыток сродкаў у гэтыя фонды склаў $197 млн.

У аглядзе Sberbank Investment Research адзначаецца, што мінус паўстаў праз адток сродкаў з пасіўных фондаў, якія за тыдзень з 21 да 27 ліпеня вывелі з расейскіх акцый $14,4 млн. У той жа час актыўна кіраваныя фонды прыцягнулі ў акцыі расейскіх кампаній $7,6 млн.

Як адзначае малодшы стратэг Sberbank Investment Research па рынку акцый Коўл Эйксан, фонды, якія спецыялізуюцца на акцыях расейскіх кампаній, за справаздачны тыдзень вывелі $70,1 млн, пры гэтым праз глабальныя фонды ў расейскія актывы дадалося $68,4 млн.

Агулам прыток сродкаў у фонды развіваных рынкаў за тыдзень склаў $414 млн.