Каля рэзідэнцыі прэзідэнта Самалі прагрымеў магутны выбух
- 30.08.2016, 14:03
- 4,373
Адказнасць за тэракт узяла на сябе радыкальная ісламісцкая групоўка «Аш-Шабаб».
Прынамсі, пяць чалавек загінулі ў выніку выбуху блізу прэзідэнцкай рэзідэнцыі ў сталіцы Самалі Магадзіша, паведамляе «Інтэрфакс» са спасылкай на вэб-сайт ліванскай газеты «Дэйлі стар».
Усе пяцёра загінулых - вайскоўцы. У мясцовым пастарунку падкрэсліваюць, што колькасць ахвяр можа ў далейшым узрасці.
Паводле звестак выдання, замінаваны аўтамабіль выбухнуў каля рэзідэнцыі, таксама пашкодзіўшы будынак найбліжэйшага гатэля.
Адказнасць за тэракт узяла на сябе радыкальная ісламісцкая групоўка «Аш-Шабаб».