Зорку «Што? Дзе? Калі?» Фёдара Шведава прысудзілі да 3,5 гадоў калоніі
6- 19.04.2024, 14:27
- 8,908
Такую пастанову прыняў Гарадзенскі абласны суд.
У Гарадзенскім абласным судзе 19 красавіка агучылі прысуд 48-гадоваму Фёдару Шведаву. Яго абвінавацілі паводле арт. 361-2 Крымінальнага кодэкса («фінансаванне дзейнасці экстрэмісцкага фармавання»). Суддзя Віталь Кулеш прызначыў Фёдару тры з паловай гады пазбаўлення волі, паведамляе «Весна».
На судзе Шведаў віну прызнаў часткова. Ён растлумачыў, што «не меў намеру выдаваць грашовыя сродкі экстрэмісцкім фармаванням, а грошы пераводзіў у дабрачынных мэтах для надання дапамогі ў аплаце штрафаў, паслуг адвакатаў, медыкаментаў людзям, якія ўдзельнічалі ў пратэстных акцыях».