Ваенны эксперт: Расейскія войскі лезуць у пастку
6- 20.04.2024, 19:13
- 14,668
І гэтую пастку трэба замкнуць.
Кіраўнік украінскага Цэнтра ваенна-прававых даследаванняў Аляксандр Мусіенка ў эфіры Radio NV расказаў, што можа паўплываць на галасаванне ў Кангрэсе за вылучэнне дапамогі Украіне і як гэта адаб'ецца на фронце.
Ён назваў адну з прычынаў, чаму Кангрэс можа зацвердзіць дапамогу.
«Я думаю, што ўплывае проста разлік на тое, што расейскія войскі лезуць у пастку і гэтую пастку трэба закрыць. Гэта значыць, там ёсць вельмі рацыянальны разлік: Расея цяпер залазіць у пастку, таму што яны інтэнсіфікуюць наступ і вядуць яго бесперапынна і без паўзаў. І чаму б ім цяпер не зладзіць гэтую пастку, не закрыць гэтую пастку?» – адзначыў Мусіенка.
Акрамя таго, дадаў эксперт, ёсць яшчэ і палітычныя матывы ўнутры саміх Злучаных Штатаў:
«Цяпер рэспубліканцы пераварочваюць сітуацыю на сваю карысць і яны будуць артыкуляваць гэта як выратаванне Украіны, будуць гаварыць, што, бачыце, калі б не мы, то і ATACMSаў не было б і дапамогі не было. І, увогуле, рэспубліканцы заклікаюць прапанаваць план перамогі Украіны, цягам 45 дзён яго распрацаваць».
Мусіенка растлумачыў, што ў выпадку прыняцця кангрэсмэнамі станоўчай пастановы датычна Украіны, паводле аптымістычнага сцэнара ракеты і снарады мы зможам убачыць праз месяц-паўтара:
«Я думаю, што як толькі зброя пачне паступаць, адразу гэтая пастка і пачне захлопвацца. Галоўнае, каб своечасова гэтыя аб'ёмы паступалі. Вось гэта вельмі важны момант».
Ён таксама спрагназаваў, як у сувязі з гэтым можа развівацца сітуацыя на фронце ў найбліжэйшы час:
«Я думаю, што гэта будуць вельмі цяжкія і няпростыя тыдні, месяцы для Украіны, для ўкраінскіх сілаў абароны, у тым сэнсе, што трэба будзе адбіваць наступальныя дзеянні ворага і на Харкаў, і на ўсходзе, і, адпаведна, нам на гэта патрэбнае забеспячэнне. Але калі гэта атрымаецца, то ва Украіны з'явяцца магчымасці нават пераходзіць у лакальныя тактычныя контрнаступальныя дзеянні яшчэ сёлета».