У Менску выпусцілі «ідэалагічна правільную» гарэлку (Фота)
31- 18.02.2010, 17:32
Менскі завод «Крышталь» папулярызуе колеры афіцыйнага сцяга пры дапамозе сваёй прадукцыі.
На этыкетцы гарэлкі «Богатырская» ад «Менск-Крышталь» прадказальна размешчана выява былінных волатаў. А вось што прыцягвае ўвагу, дык гэта колеравая гама. Як адзначае газета «Наша Ніва», на этыкетцы волаты на конях апранутыя ў чырвоныя і зялёныя строі, над іх галовамі лунае гэтых жа колераў сцяг. Чырвона-зялёны колер прысутнічае і ў загалоўнай літары назвы гарэлкі.
Гарэлку з аналагічнай назвай у Беларусі выпускаюць таксама ў Мазыры. Аднак на этыкетцы мазырскай гарэлкі няма ні волатаў, ні кветак афіцыйнага сцяга.