Менчук спрабаваў учыніць самаспаленне ў гарадскім скверы

Менчук, які абліў сябе бензінам і падпаліў у скверы на вуліцы Вясёлкавай ў Менску, дастаўлены ў бальніцу.

Пра гэта паведаміў агенцтву «Інтэрфакс» у панядзелак старэйшы памочнік пракурора Менску Сяргей Балашоў.

«У скверы на вуліцы Вясёлкавай у Менску мужчына абліў сябе бензінам і падпаліў. З апёкамі 70% цела ён дастаўлены ў шпіталь хуткай медыцынскай дапамогі», паведаміў Балашоў.

Як адзначыў суразмоўца агенцтва, гэта не адзіны выпадак суіцыдальных паводзінаў менчукоў за мінулыя выходныя.

У Маскоўскім раёне сталіцы мужчына 1976 года нараджэння, які здымаў кватэру і пражываў у ёй адзін, нанёс сабе не менш за 12 нажавых раненняў, а потым выкінуўся з акна, распавёў Балаш.

Акрамя гэтага, з другога паверху 9-й клінічнай бальніцы Менску ноччу выкінуўся мужчына 1967 года нараджэння і ад атрыманых траўмаў памёр, паведаміў суразмоўца агенцтва.

Пракуратура па дадзеных фактах праводзіць праверкі, удакладніў ён.