Наступныя - імпартныя лекі?
14- 11.04.2011, 9:57
Сітуацыя на валютным рынку не адаб'ецца на даступнасці для беларусаў імпартных медыцынскіх прэпаратаў.
Пра гэта ў эфіры тэлеканала СТВ паведаміў начальнік упраўлення арганізацыі медыцынскай дапамогі Міністэрства аховы здароўя Іван Рыжко, перадае БелТА.
«У беларускіх аптэках будуць даступныя як айчынныя, так і імпартныя медыцынскія прэпараты», - запэўніў Іван Рыжко.
Пры гэтым, па словах прадстаўніка Міністэрства аховы здароўя, ніякіх абмежаванняў у сістэме аховы здароўя для закупкі абсталявання, расходных матэрыялаў і лекавых сродкаў няма. «Мы не атрымалі ні ад адной арганізацыі аховы здароўя інфармацыі аб тым, што чалавек не атрымаў лячэння, таму што не далі для гэтага валюту», - дадаў ён.
У цяперашні час фармацэўтычная прамысловасць Беларусі задавальняе попыт насельніцтва на 27%. Да 2015 годзе гэты паказчык плануецца давесці да 50%. Нягледзячы на тое, што беларускія лекі не горш за імпартныя, ад замежных медыкаментаў адмаўляцца не будуць. «Калі ў нас не выпускаецца той ці іншай медыкамент, а ён карыстаецца попытам у насельніцтва, адназначна ён набываецца ў аптэчную сетку», - адзначыў Іван Рыжко.