Сербія, Харватыя, Чарнагорыя ўводзяць санкцыі супраць рэжыму Лукашэнкі
82
13:13, — Палітыка
Яшчэ 7 краін Еўропы ўводзяць санкцыі супраць саўдзельнікаў Аляксандра Лукашэнкі і ягонага атачэння.
Харватыя, Македонія, Чарнагорыя, Ісландыя, Сербія, Албанія і Ліхтэнштэйн далучаюцца да рашэння ЕЗ аб санкцыях супраць беларускіх уладаў.
Пра гэта гаворыцца ў заяве Вярхоўнага прадстаўніка па замежных справах і палітыцы бяспекі Кэтрын Эштан (пераклад - charter97.org).
У заяве нагадваецца аб рашэннях, прынятых Радай ЕЗ 23 сакавіка і 23 красавіка 2012 года.
23 сакавіка міністры замежных спраў 27 краін Еўразвяза пагадзіліся на пашырэнне абмежавальных мер у дачыненні да беларускага рэжыму. Санкцыі былі распаўсюджаныя на 29 кампаній і 12 прыватных асоб, адказных за парушэнні правоў чалавека і рэпрэсіі ў дачыненні да апазіцыі і грамадзянскай супольнасці, а таксама падтрымліваюць альбо з'яўляюцца бенефіцыярамі ўлады Лукашэнкі.
23 красавіка Рада ЕЗ па замежных справах ухваліла прававыя акты аб стандартным выключэнні з рэжыму санкцый Еўразвяза, якія прадугледжваюць замарожванне актываў беларускіх юрыдычных асоб, сродкаў дыпламатычных місій і прадстаўніцтваў пры міжнародных арганізацыях.
Харватыя, Македонія, Чарнагорыя, Ісландыя, Сербія, Албанія і Ліхтэнштэйн далучаюцца да гэтых рашэнняў ЕЗ і забяспечаць адпаведнасць ім сваёй нацыянальнай палітыкі.
Напісаць каментар (82)
Навіны
па тэме
- Пофала: Не прыеду ў Менск, пакуль не вызваляць палітвязняў
- «Le Figaro»: Минск по-прежнему нарушает права человека
- Human Rights Watch: ААН павінная прызначыць спецдакладчыка па Беларусі
- Аркадий Мошес: Санкции ЕС в отношении Минска эффективны
- Белорусская калийная компания готовится к санкциям?
Экспарт
Новости партнеров
