Журналістка БелТА з двума дзецьмі выкінулася з 9-га паверха (Фота)
309
14:35, — Здарэнне
(абноўлена) Страшная трагедыя шакавала сёння жыхароў дома № 76 па вуліцы Панчанкі ў Менску.
У адной з кватэр на дзевятым паверсе жанчына выкінулася з акна, прыхапіўшы з сабой дваіх малалетніх дзяцей.
- Па папярэдняй інфармацыі сям'я лічылася паспяховай. Жанчына знаходзілася ў дэкрэтным адпачынку. Яна працавала журналістам БелТА. Зараз на месцы працуюць следчыя. Паводле папярэдняй інфармацыі прычынай трагедыі магла стаць пасляродавая дэпрэсія, - пракаментаваў «Комсомолке» начальнік Фрунзенскага РУУС Алег Гайдукевіч.
Дзецям было 2 і 7 гадоў. Іх маць, Мілена Ануфрыёнак, у апошні час канфліктавала з былым мужам, які хацеў забраць дзяцей к сябе. У бліжэйшы час будзе распачата крымінальная справа.
Старонка ў сацыяльнай сетцы журналісткі запоўненая аўдыёзапісамі скайп-семінараў для барацьбы з фобіямі і неўрозамі. У «Кантакт» Мілена апошні раз заходзіла сёння раніцай у 3:36.
На месцы здарэння працуе аператыўна-следчая група Фрунзенскага РУУС Менска. Спробы атрымаць якія-небудзь каментары ў міліцыянтаў не ўвянчаліся поспехам: яны паведамілі толькі, што справу будзе расследаваць Упраўленне Следчага камітэта па Фрунзенскім раёне сталіцы. Туды і варта звяртацца за інфармацыяй праз некалькі гадзін. Больш за тое, здымаць на месцы здарэння работнікі міліцыі катэгарычна забаранілі.
У двары дома па вуліцы Панчанкі, 76 працуе таксама брыгада экспертаў-крыміналістаў. Патрапіць у кватэру загінулай удалося толькі з дапамогай супрацоўнікаў МНС - жыллё на дзевятым паверсе дома апынулася зачыненым знутры. Ратавальнікі падняліся ў кватэру з дапамогай аўталесвіцы і адкрылі міліцыянтам дзверы.
Целы загінуўшых ляжаць на газоне з задняга боку дома. З імі працуюць эксперты-медыкі. Прыбыла ў Сухарава і брыгада «хуткай», праўда, яе работнікам заставалася толькі канстатаваць смерць усіх траіх.
У цяперашні час супрацоўнікі міліцыі ходзяць па кватэрах дома і апытваюць суседзяў. Атрымаць іншых звестак аб загінулай жанчыне і яе дзецях карэспандэнту TUT.BY пакуль не ўдалося.
Напісаць каментар (309)
Навіны
па тэме
Экспарт
Новости партнеров
