Адыходзячы год увойдзе ў дзесятку самых цёплых у гісторыі
6- 13.11.2013, 17:09
- 9,995
У рэйтынгу самых цёплых гадоў, які стаў складацца з 1850 года, 2013 год можа заняць сёмае месца.
Бягучы год увойдзе ў дзесятку самых цёплых у гісторыі, а агульная кліматычная сітуацыя такая, што з павышэннем ўзроўню мора чалавецтва ўсё часцей сутыкаецца з экстрэмальнымі з'явамі надвор'я накшталт разбуральнага тайфуна Хаян, які ўдарыў у мінулую пятніцу па Філіпінах, паведамляе агенцтва Reuters.
Як адзначаецца ў дакладзе Сусветнай метэаралагічнай арганізацыі, павелічэнне штучных парніковых газаў у атмасферы азначае, што будучае змяненне клімату ў бок пацяплення непазбежна.
СМА, даючы папярэдні прагноз, паведаміла, што першыя дзевяць месяцаў гэтага года падобныя на той жа перыяд у 2003 годзе, і ў рэйтынгу самых цёплых гадоў, які стаў складацца з 1850 года, 2013 год можа заняць сёмае месца. Сярэдняя тэмпература на паверхні зямлі і акіяна складае 0,48 градуса па Цэльсіі - вышэй сярэдняй за перыяд 1961-1990 гадоў, піша korrespondent.net.
«Гэты год працягвае ўстойлівую тэндэнцыю павышэння тэмпературы, выкліканага глабальным пацяпленнем», - адзначаецца ў дакладзе.
Рост тэмпературы, абумоўлены глабальным пацяпленнем, суправаджаўся ў гэтым годзе з'яўленнем прыродных катаклізмаў накшталт тайфуну Хаяан на Філіпінах, моцнай спёкі ў Аўстраліі і паводак у самых розных краінах: ад Судана да Еўропы, заявіла СМА.
Акрамя таго, адзначае агенцтва, змены клімату адчулі на сабе і японцы, якія перажылі рэкордна спякотнае лета.
У верасні Міжурадавая група экспертаў па змене клімату ААН (МГЭЗК) павысіла верагоднасць таго, што менавіта чалавецтва стала галоўнай прычынай сусветнага пацяплення, якое ішло з 1950 года, да, як мінімум, 95 адсоткаў з 90 адсоткаў, пра якія гаварылася ў 2007 годзе.
Паводле прагнозу МГЭЗК, глабальнае пацяпленне будуць суправаджаць спякота, ліўні і павышэнне ўзроўню мора.
Раней група навукоўцаў з Мексікі і ЗША высветліла, што рост тэмпературы на планеце звязаны з шэрагам падзей у гісторыі ХХ стагоддзя.
У ходзе даследавання навукоўцы выявілі сувязь парніковага эфекту з сусветнымі войнамі, Вялікай дэпрэсіяй, а таксама выявілі станоўчы эфект Манрэальскага пратаколу, які быў падпісаны зусім не дзеля барацьбы з глабальным пацяпленнем.