Цырк дзю Салей вяртаецца ў Менск (Відэа)
15- 21.11.2013, 12:14
- 17,129
Канадскі цырк, які заваяваў сэрцы людзей усёй планеты, выступіць у беларускай сталіцы 20-23 сакавіка 2014 года на сцэне спарткомплексу «Менск-Арэна».
Пра гэта паведамілі БелТА арганізатары.
Адчуванні гармоніі свету, яднання чалавека і прыроды Цырк дзю Салей пачарпнуў у кітайскага цырка з 3000-гадовай гісторыяй і віртуозна ўвасобіў у захапляльным шоў «Драліон». Прадстаўленне з аншлагамі ўжо прайшло ў дзесятках краін.
Перавесці яго назву на рускую мову можна як «Драколев», бо перад гледачамі разгортваецца відовішчнае палатно, на якім дапаўняюць адзін аднаго такія розныя і несумяшчальныя Усход і Захад - Дракон і Леў. Галоўнымі дзеючымі асобамі шоу сталі божаствы, якія ўвасабляюць чатыры стыхіі.
Адточанае майстэрства акрабатаў, шчырая ігра артыстаў і музыкаў розных краін, якіх сабраў Цырк дзю Салей у сваю легендарную трупу, пакідаюць незгладжальнае ўражанне ў гледачоў усіх узростаў. Гэта тэатр і цырк на адной сцэне, дзе публіцы прадстаўленае мастацкае змешванне фарбаў каларытных вулічных імпрэз і цудоўнага цыркавога мастацтва.
Уяўны свет Цырка дзю Салей не мае межаў, гэта сусвет фантазіі, дзе кожны нумар ператвараецца ў іскрыстае свята і прымушае застыць у чаканні чараўніцтва.