У Бельгіі праз туман сутыкнулася 100 аўтамабіляў
6- 3.12.2013, 18:29
- 14,196
Больш за сто легкавікоў ды грузавікоў сутыкнулася ў трох аварыях на адной з дарог у Бельгіі, стварыўшы шматкіламетровы корак.
Пра гэта паведамляе Associated Press.
Паводле звестак экстраных службаў, адзін чалавек загінуў, больш за паўсотні трапілі ў лякарні з траўмамі рознай ступені цяжкасці, піша Lenta.ru.
Паводле папярэдняй інфармацыі, масавае ДТЗ ля горада Занэбэкэ адбылося праз кепскія варункі надвор'я: там быў шчыльны туман. Кіроўцы занадта позна заўважалі, што перад імі адбылося сутыкненне, і самі рэзаліся ў тых, хто трапіў у аварыю да іх.
Праца медыкаў ўскладнялася тым, што аўтамабілям хуткай дапамогі праз ДТЗ было складана дабрацца да раненых, а гелікоптэры праз туман не лёталі.
Ратавальнікі, якія прыбылі на месца здарэння, раздавалі пацярпелым коўдры і цёплыя рэчы, бо тэмпература ў Бельгіі апусцілася да нулявой адзнакі.
Рух шашой часова спынены, экстранныя службы чысцяць дарогу ад пабітых аўтамабіляў, якія былі раскіданыя на трохкіламетровым адрэзку трасы.