У Менску сутыкнуліся шэсць машын
17- 2.12.2013, 15:21
- 33,876
Сёння пасля поўдня на вуліцы Батанічнай у Менску адбылося ДТЗ з удзелам шасці аўтамабіляў.
Пра гэта карэспандэнту БелТА паведаміла кіраўнік прэс-службы ДАІ Менска Таццяна Харлінская.
Паток аўтамабіляў спыніўся ў двух палосах на святлафоры на вуліцы Батанічнай. У гэты час у напрамку вуліцы Акадэмічнай да святлафора пад'язджаў аўтамабіль «Опель-Астра». Кіроўца вырашыў праігнараваць забараняльны сігнал святлафора і паспрабаваў аб'ехаць машыны, якія стаяць па сустрэчнай паласе. Аднак пераехаўшы двайную суцэльную лінію падзелу, кіроўца «Опеля» ўбачыў, што яму насустрач рухаецца грузавы аўтамабіль ГАЗ. Кіроўца легкавіка паспрабаваў пазбегнуць сутыкнення і рэзка звярнуў направа. У выніку ён урэзаўся ў «Таёту», што стаяла на святлафоры, якую ад удару адкінула ў «Форд», таго - у «Мэрсэдэс» і далей у грузавую фуру. «Опель» жа пасля сутыкнення зноў вылецеў на сустрэчную, у той самы ГАЗ, ад якога спрабаваў ухіліцца.
«У гэтым дарожна-транспартным здарэнні пацярпелі чатыры чалавекі: кіроўца «Опеля» і двое яго пасажыраў (жонка і дзіця), а таксама кіроўца «Таёты». Усе чацвёра дастаўленыя ў бальніцу», - распавяла Таццяна Харлінская.
На месцы ДТЗ працуюць эксперты, якія ўстанаўліваюць усе акалічнасці аварыі.