Выдачу сродкаў з валютных укладаў абмяжуюць?

Нацбанк можа часова абмежаваць выдачу грошай з валютных рахункаў укладчыкаў.

Такое меркаванне выказаў экс-кіраўнік Нацыянальнага банка Станіслаў Багданкевіч, каментуючы сайту charter97.org прапанову Мясніковіча зрабіць больш жорсткім валютнае заканадаўства.

«Захады для ўзмацнення жорсткасці валютнага заканадаўства вядомыя. Улады могуць абумовіць куплю валюты разнастайнымі перашкодамі: трэба будзе давадзіць, для чаго яна патрэбная, напрыклад, калі для турыстычнай паездкі, то на колькі дзён. Могуць таксама часова абмежаваць выдачу сродкаў з валютных рахункаў укладчыкаў нейкай сумай або прыняць пастанову выдаваць грошы з валютных укладаў у беларускіх рублях. І так чынам улады хочуць знайсці сякеру пад лаўкай, гэта значыць нейкімі адміністрацыйнымі пастановамі пакінуць у дзяржавы больш валюты. Але гэта няправільны падыход. Такія захады існавалі ў СССР і ў нейкай ступені існуюць і ў іншых краінах, але гэта ўсё адміністрацыйнае рэгуляванне, а не развязанне праблемы ў корані», - падкрэсліў эканаміст.

Станіслаў Багданкевіч мяркуе, што заява Мясніковіча - чарговае пісанне віламі па вадзе.

«Беларускія ўлады робяць усё, каб ускладніць чалавеку жыццё, а яны гэта ўмеюць. Для гэтага не трэба розуму, прафесіяналізму і таленту. Для гэтага не трэба шукаць новых людзей, якія б умелі кіраваць эканомікай сучаснымі метадамі і падвышаць яе эфектыўнасць», - сказаў на заканчэнне экспэрт.

Нагадаем, на думку прэм'ер-міністра Міхаіла Мясніковіча, у Беларусі занадта ліберальнае заканадаўства ў валютнай сферы. «Трэба зрабіць больш жорсткім валютнае заканадаўства. Яно занадта ліберальнае. Гэта добра для краіна са свабодна канверсоўнай валютай, якой беларускі рубель не з'яўляецца», - заявіў прэм'ер сёння падчас цырымоніі ўзнагароджання лепшых прадпрымальнікаў краіны 2012 года ў Менску.