Расейская рулетка: рабіце вашы стаўкі

Эканоміка Расеі ўсё больш астаецца ад іншых краін праз дрэннае кіраванне і рост карупцыі.

Распавядаючы пра кепскія звычкі расейскіх чыноўнікаў, французскае выданне Le Monde згадвае прыпісваныя Салтыкову-Шчадрыну словы пра тое, што калі яго абудзяць праз 100 гадоў і спытаюць, што ў Расеі робіцца, ён адразу адкажа: «П'юць і крадуць», піша Inopressa.

«Калі заўсёднасць п'янства складана ацаніць, то заўсёднасць крадзяжу кідаецца ў вочы. Мяркуючы з загалоўкаў тэленавін, крадуць ва ўсіх эшалонах улады, здолу дагары, пры кожным зручным выпадку. Следчы камітэт безупынна чысціць аўгіевыя стайні, але выніку няма, - канстатуе выданне. - Варта сказаць, што праводжаная Крамлём апошнімі месяцамі гучная антыкарупцыйная кампанія рэдка прычынялася да выстаўлення абвінавачванняў. Яе мішэнню былі толькі другарадныя дзейныя асобы. Чым на больш высокай пасадзе чыноўнік, тым менш яго турбуюць, як паказвае лёс экс-міністра абароны Анатолія Сердзюкова».

Гаворка ідзе пра шалёныя сумы: паводле звестак Цэнтрабанка, за 2012 блізу 50 млрд даляраў было незаконна выведзена за мяжу праз банкі, і большасць гэтых пералічэнняў - падазроныя. Толькі 14 млрд з 50 звязаныя з камэрцыйнымі аперацыямі. Са слоў старшыні ЦБ Ігнацьева, астатнія 36 млрд маглі пайсці на аплату напаўлегальнага імпарту, наркотыкаў, на хабары чыноўнікам. Такая выцек наводзіць на думку аб існаванні буйнамаштабнай і адпрацаванай сістэмы адмывання грошай, кантраляванай «арганізаванай групай асоб», мяркуе Ігнацьеў.

«Адмыванне грошай, ценевая эканоміка, карупцыя, завышэнне і заніжэнне рахункаў уведзеныя ў сістэму. У сяродку гэтай сістэмы - банкі, мытня, спэцслужбы, паліцыя, падатковая інспекцыя», - піша карэспандэнт Мары Жэго. Калі верыць дакладу вашынгтонскага аналітычнага цэнтра Global Financial Integrity (GFI), гэты бізнэс квітнее: за апошнія восем гадоў штогадовыя плыні брудных грошай з Расеі і ў Расею павялічыліся больш чым удвая. Як паказвае GFI, аб'ём нелегальнай эканомікі складае 46% ВУП Расеі.

«У варунках інстытуцыянальнага заняпаду расейскі ўрад, кансультантам якога выступае Goldman Sachs, плануе ператварыць Маскву ў міжнародны фінансавы цэнтр. Банкіры цешацца, разлічваючы набыць расейскія пазыковыя абавязанні, - піша газэта. - Праз 15 гадоў пасля дэфолту 1998 году казіно «Расія» зноў адчыняе свае дзверы. Ягоныя круп'е выхваляюцца спрыяльнымі макраэканамічнымі паказчыкамі і замоўчваюць аб няўхільным росце карупцыі і дрэнным кіраванні - дзвюх анамаліях, дзеля якіх Расія астаецца ад іншых развіваных эканомік з клуба БРІК».