25 сакавіка адзначылі ў Канадзе
3- 25.03.2013, 11:17
24 сакавіка Згуртаванне беларусаў Канады адзначыла 95-ю гадавіну абвяшчэння Беларускай Народнай Рэспублікі.
Галоўнай тэмай святочнай урачыстасці стала 150-годдзе паўстання пад кіраўніцтвам Кастуся Каліноўскага. Акрамя традыцыйных дакладаў, быў паказаны кліп гурта «Ляпіс Трубяцкі» «Ня быць скотам» і мультфільм «Будзьма беларусамі!». Падчас мерапрыемства адбылася тэлефонная размова з Паўлам Севярынцам, у якой ён павіншаваў беларусаў Канады са святам і падзякаваў за падтрымку, перадае «Радыё Свабода».
У гэтым годзе Згуртаванне беларусаў Канады павіншавала палітвязняў з Днём Волі самаробнымі паштоўкамі і сімвалічным «птушкамі Волі», зробленымі спецыяльна да свята. Святкаванне скончылася гімнам «Магутны Божа».
