Андрэй Суздальцаў: Лукашэнка спрабуе вырвацца з ізаляцыі

Даўняя мара беларускага кіраўніка - у патрэбны момант згуртавацца з Украінай супраць Расеі ці Еўропы.

Так палітолаг Андрэй Суздальцаў пракаментаваў сайту charter97.org сустрэчу Аляксандра Лукашэнкі з Віктарам Януковічам, якая адбудзецца ў траўні бягучага года.

«Лукашэнку патрэбная да зарэзу любая сустрэча на міжнародным узроўні, так як ён знаходзіцца ў рэальнай ізаляцыі і не так часта сустракаўся ў апошні час з Пуціным, не кажучы пра Назарбаева. Таму, сустрэча з Януковічам для яго прынцыпова важная. Беларускі кіраўнік улічвае, што ўкраінская дзяржава знаходзіцца на ростанях і мае багаты вопыт супрацоўніцтва з краінамі Еўразвяза і Расейскай Федэрацыяй. Яго даўняй марай з'яўляецца згуртаванне ў патрэбны момант з Украінай супраць Расеі або жа Еўропы. Такія спробы былі ў часы «газавых войнаў», але яны заканчваліся нічым. Калі трэба было правесці адзіны фронт, Кіеў і Менск ішлі на пагадненне з Масквой, то ёсць выгада перавешвала», - адзначыў эксперт.

Ён лічыць, што для Беларусі цяпер галоўнае тое, што Кіеў мае камунікацыі з ЕЗ зусім іншага ўзроўню, нягледзячы на знаходжанне ў турме Юліі Цімашэнка.

«Украінскі рынак мае важнае значэнне для беларускай эканомікі. Натуральна, Беларусь хацела б захаваць свой уплыў на ім. Бо яна з'яўляецца своеасаблівым мытным рэшатам. Нават у самых цяжкіх сітуацыях з пастаўкамі нафты ва Украіну, праз Беларусь туды паступала расейская сыравіна, што выклікала незадаволенасць Масквы, але гэта былі выгадныя здзелкі для Лукашэнкі, і ён у іх зацікаўлены ў далейшым», - упэўнены палітолаг.

Ён падкрэсліў, што існуе яшчэ адно пытанне, якое вельмі турбуе Януковіча - жаданне Украіны быць адначасова ў Еўропе, але пры гэтым мець доступ да расейскіх энерганосьбітаў.

«Ён бачыць у Беларусі элемент МС і АЭП. Прэзідэнт Украіны хоча абраць такі фармат, каб не браць на сябе якой-небудзь адказнасці. Гэта значыць, быць толькі напалову членам Мытнага саюза. Будзе абмяркоўвацца маса іншых пытанняў, звязаных з абаронай, межамі і абавязкамі. Што датычыцца візавага пытання, то яно вельмі размытае. Я з цяжкасцю ўяўляю, што ў будучыні ўкраінцам для паездкі ў Беларусь будуць патрэбныя візы. Стварэнне візавага рэжыму паміж дзяржавамі азначае пераход на цалкам іншы фармат адносінаў. Яны ўжо не будуць лічыцца сябрамі, саюзнікамі і партнёрамі. Я не думаю, што Расея або Беларусь будзе прыспешваць гэтыя падзеі, так як усе зацікаўленыя ў рэсурсах Украіны», - падсумаваў Андрэй Суздальцаў.

Нагадаем, сёння беларускі кіраўнік абмеркаваў па тэлефоне з прэзідэнтам Украіны Віктарам Януковічам «пытанні двухбаковага супрацоўніцтва».

У ходзе тэлефоннай размовы таксама была дасягнутая «прынцыповая дамоўленасць аб правядзенні ў траўні сустрэчы на вышэйшым узроўні, у ходзе якой будуць разгледжаныя гэтыя пытанні».