Старшыня БФСТ «Дынама» падаў у адстаўку
5- 17.04.2013, 13:11
Юрый Бародзіч падаў рапарт аб сыходзе з пасады старшыні БФСТ «Дынама».
Рэспубліканскае дзяржаўна-грамадскае аб'яднанне БФСТ «Дынама» на канферэнцыі 24 красавіка здабудзе новага кіраўніка.
Пра гэта газеце «Прессбол» стала вядома пасля таго, як генерал-маёр Юрый Бародзіч, які таксама з'яўляецца старшынёй назіральнага савета ЗАТ «ХК «Дынама-Менск», падаў рапарт на звальненне.
Па звестках газеты, месца Бародзіча можа заняць генерал-лейтэнант Энвер Барыеў, былы міністр па надзвычайных сітуацыях (2005-2011); надзвычайны і паўнамоцны амбасадар Рэспублікі Беларусь у Туркменістане (з 2011); член Савета бяспекі краіны; кандыдат педагагічных навук, дацэнт.
Відавочна, што ў гэтым выпадку Энвер Рызаевіч узначаліць і назіральны савет хакейнага клуба-флагмана, мажарытарным акцыянерам якога з'яўляецца БФСТ «Дынама».