Барысаўскія прадпрымальнікі рыхтуюць забастоўку
15- 17.04.2013, 16:17
Іпэшнікі не згодныя з тым, што на мясцовым рынку ў 2 разы паднімаюць арэндную плату.
«У мяне павільён 27,8 квадратных метраў абыходзіцца прыблізна ў 1 мільён 300 тысяч рублёў. А хочуць, каб з траўня было 2 мільёна 700 тысяч», - сказаў «Еўрарадыё» адзін з прадпрымальнікаў.
300 прадпрымальнікаў рынку ў Барысаве ў сераду выйшлі на працу на 1,5 гадзіны пазней і пагражаюць абвясціць забастоўку на цэлы дзень. Адміністрацыя РайПО хоча падняць арэнду на 102%.
Раніцай 17 красавіка прайшоў сход, дзе прысутнічаў дырэктар рынку. Але кіраўніка РайПО на ім не было - з'ехаў у камандзіроўку. Таму праз дырэктара рынка яго запрасілі на наступны сход праз тыдзень.