Хуліганы пакусалі і збілі школьніка ў метро (Відэа)
38- 15.05.2013, 12:23
Кампанія хуліганаў напала на школьніка на станцыі метро «Плошча Перамогі» ў Менску.
Як паведамляе прэс-служба ГУУС Менгарвыканкама, вечарам 2 траўня хуліганы збілі 17-гадовага навучэнца адной з менскіх школ.
«Спусціўшыся ў падземны пераход на Плошчы Перамогі, школьнік звярнуў увагу на кампанію, якая паводзіла сябе даволі задзірліва. Убачыўшы маладога чалавека, адзін з кампаніі упаў на калені і ўкусіў хлопца за нагу. Той ад нечаканасці адштурхнуў незнаёмца і паспяшаўся прайсці ў метро. Але тут маладога чалавека нагнаў таварыш кусача і стаў наносіць ўдары. Хлопец паспрабаваў адысці ад крыўдзіцеля, але бузацёр працягнуў бойку», паведамляе прэс-служба ГУУС.
У момант бойкі нападнікі пачулі, як кантралёр выклікае міліцыю і ўцяклі.
Пацярпелы звярнуўся ў шпіталь, дзе яму была пастаўлены дыягназ - чэрапна-мазгавая траўма, удары і драпіны. З гэтай нагоды ўзбуджаная крымінальная справа за хуліганства.
Міліцыянты звяртаюцца да ўсіх, хто можа аказаць садзейнічанне ва ўстанаўленні асобы падазраванага ў хуліганскіх дзеяннях. Кантактныя тэлефоны: 8 (017) 230-34-34, 8 (029) 143-56-98.
Канфідэнцыяльнасць гарантуецца.