У цэнтры Віцебска перавярнуўся «МАЗ» без кіроўцы
11- 19.05.2013, 9:57
Пацярпеў рабочы.
18 траўня ў МНС праз лінію «101» ад відавочцы паступіла паведамленне аб ДТЗ на адрасе: вул. Суворава, д. 2, паблізу храма «Уваскрасення Хрыстовага». Найбольш імаверна, што падзеі развіваліся наступным чынам: аўтамабіль дарожнай устаноўкі рамонту дарог «Тайфун» маркі «МАЗ», быў прыпаркаваны на вуліцы Леніна і пачаў самаадвольны рух уніз, перасёк ходнікі, сутыкнуўся з бетоннай лесвіцай і агароджай храма, а затым перавярнуўся.
Як паведамляе прэс-служба МНС, кіроўца ў аўтамабілі адсутнічаў, у кабіне знаходзіўся дарожны рабочы, які ў выніку ДТЗ атрымалі невялікія ўдары і пасля агляду ў шпіталі быў адпушчаны дадому. Іншыя людзі не пацярпелі. З дапамогай крана МНС аўтамабіль быў пастаўлены на колы. Пасля гэтага МАЗ адбуксіравалі да месца рамонту.
