Расейскія лётчыкі, дэсантнікі і танкісты ўжо даўно знаходзяцца ў Беларусі
179- 8.05.2013, 0:01
Апранутыя яны ў форму беларускага войска.
Зараз актыўна абмяркоўваецца тэма размяшчэння ў Беларусі расейскай авіябазы і сучасных расейскіх супрацьракетных комплексаў С-300.
Краіны-суседзі Беларусі заклапочаныя ўзмацненнем расейскай ваеннай прысутнасці ў нашай краіне. Напрыклад, нядаўна саветнік міністра абароны Польшчы Януш Анышкевіч заявіў пра тое, што Польшча асцерагаецца размяшчэння наступальных расейскіх узбраенняў у Беларусі, а таксама разглядае як пагрозу маючыя адбыцца восенню маштабныя беларуска-расейскія вайсковыя вучэнні «Захад-2013».
Аднак, як стала вядома сайту charter97.org, у Беларусі ўжо даўно знаходзяцца расейскія вайскоўцы. І гэта не толькі расейцы, якія абслугоўваюць радыёлакацыйныя станцыі ў Баранавічах і Вілейцы.
У Беларусі служаць салдаты і афіцэры расейскага войска: лётчыкі, дэсантнікі, танкісты, ракетчыкі. Прычым яны не афішуюць сваю прыналежнасць да войска Расейскай Федэрацыі. Расейскія вайскоўцы апранутыя ў форму беларускіх узброеных сіл, ажыццяўляючы службу ва ўласных воінскіх падраздзяленнях. Падпарадкоўваюцца яны расейскаму камандаванню.
Агульная колькасць расейскіх вайскоўцаў, якія неафіцыйна знаходзяцца ў Беларусі, - да 3 тысяч чалавек. Вядома, што яны знаходзяцца, як мінімум, у пяці беларускіх гарнізонах.
Як паведаміла крыніца charter97.org, такім чынам адпрацоўваецца варыянт размяшчэння ў Беларусі пастаяннай расейскай вайсковай групоўкі.
Фота з архіва