Без хлеба і відовішчаў
78- 5.06.2013, 20:25
- 88,439
Культурна-відовішчныя мерапрыемствы ў Беларусі будуць праводзіцца толькі з дазволу ідэолагаў.
Аб гэтым гаворыцца ва ўказе № 257, які сёння падпісаў Лукашэнка.
Указам прадугледжваецца, што арганізатар абавязаны атрымаць пасведчанне на права арганізацыі і правядзення культурна-відовішчнага мерапрыемства на тэрыторыі Рэспублікі Беларусь (гастрольнае пасведчанне) ва ўправе ідэалагічнай работы, культуры і спраў моладзі аблвыканкама або Менскага гарвыканкама.
На мерапрыемства з удзелам беларускіх і замежных альбо выключна замежных выканаўцаў гастрольнае пасведчанне выдаецца з выплатай дзяржаўнага збору ў спецыяльны фонд Лукашэнкі. На мерапрыемства з удзелам беларускіх выканаўцаў гастрольнае пасведчанне будзе выдавацца бясплатна.
Нагадаем, галоўным крытыкам арганізацыі выступаў замежных зорак у Беларусі традыцыйна выступаў Мікалай Чаргінец, які акрамя афіцыйнага саюза пісьменнікаў узначальвае яшчэ і Раду маральнасці. Ён ужо выказваўся супраць выступаў у Менску гуртоў Rammstein і Marylin Manson.