У Менску судзяць інжынера-сабатажніка

Разгляд крымінальнай справы ў дачыненні да былога супрацоўніка тэлеканала БелМузТВ, які запусціў у эфір порнаролік, пачаўся ў адным з раённых судоў Менска.

Як паведаміла «Інтэрфаксу» крыніца, блізкая да судовага працэсу, слуханні праходзяць у судзе Партызанскага раёна Менска. На першым судовым пасяджэнні прайшоў допыт сведкаў, распавёў суразмоўца агенцтва.

Паводле яго інфармацыі, наступнае судовае пасяджэнне павінна адбыцца 8 жніўня.

Раней са спасылкай на Следчы камітэт Беларусі паведамлялася пра тое, што былому супрацоўніку тэлеканала БелМузТВ, прад'яўленае абвінавачванне па ч. 2 арт. 343 КК Беларусі ў наўмысных дзеяннях, звязаных з захоўваннем з мэтай рэкламавання парнаграфічнага матэрыялу, у тым ліку заведама непаўналетнім, рэкламаваннем парнаграфічнага матэрыялу, у тым ліку заведама непаўналетнім, а таксама з публічнай дэманстрацыяй відэафільма парнаграфічнага зместу, у тым ліку заведама непаўналетнім, з выкарыстаннем сеткі электрасувязі агульнага карыстання.

У ходзе папярэдняга следства «абвінавачваны, у дачыненні да якога была абраная мера стрымання ў выглядзе заключэння пад варту, цалкам прызнаў сваю віну і актыўна супрацоўнічаў са следствам», адзначылі ў СК.

13 красавіка супрацоўнік тэлеканала БелМузТВ каля 16.00, знаходзячыся на працоўным месцы, на працягу прыкладна 10 хвілін здзейсніў публічную дэманстрацыю відэаматэрыялаў парнаграфічнага зместу з дапамогай тэлевізійнага вяшчання, пасля чаго схаваўся. Неўзабаве ён быў затрыманы ў Магілёве і дастаўлены ў Менск.

Затрыманы, 1985 года нараджэння, матываваў свой учынак прыгнечаным псіхічным станам, якія ўзнік у яго пасля разводу.

Як паведамляла МУС, «супрацоўнікі міліцыі ўстанавілі, што малады чалавек злоўжывае спіртным і ў яго ёсць праблемы з псіхікай - раней ён выказваў намер скончыць жыццё самагубствам».

У адпаведнасці з КК Беларусі, адказнасць па ч. 2 арт. 343 прадугледжвае пазбаўленне волі на тэрмін ад 2 да 4 гадоў.