Гісторыя арышту аднаго начальніка

Усё пачалося з таго, што жонку аднаго беларускага чыноўніка злавілі п'янай за рулём дарагога аўто.

Крыніца «Салідарнасці» распавяла пра падрабязнасці ўзбуджэння крымінальнай справы супраць абвінавачанага ў карупцыі высокага чыну.

Некалькі месяцаў таму Байнэт страсанула навіна аб арышце ўплывовага чыноўніка аднаго з беларускіх ведамстваў. Першапачаткова інфармацыя аб затрыманні была абвергнутая, аднак праз усяго некалькі дзён праваахоўныя органы пацвердзілі яе дакладнасць.

Крыніца газеты, блізкая да органаў бяспекі, распавяла пра падрабязнасці арышту начальніка, які чакае суда. Паколькі ў Следчым камітэце ні абвяргаць, ні пацвярджаць гэтыя дадзеныя не пажадалі, прыводзім выкладзеную ім інфармацыю без ўказання імя арыштаванага.

Сакавіцкім вечарам 2013 года нарад ДАІ спыніў у Менску для праверкі дакументаў дарагі аўтамабіль. За рулём апынулася жанчына, пры размове з якой стала відавочна, што яна знаходзіцца пад уздзеяннем алкаголю.

Не саромеючыся ў выбары выразаў, дама заявіла гаішнікам, што яны не разумеюць, з кім звязаліся. Па мабільным тэлефоне яна папрасіла мужа тэрмінова прыехаць.

Ім аказаўся высокапастаўлены чыноўнік, які, што называецца, задушыў даішнікаў аўтарытэтам. За руль аўтамабіля жонкі ён пасадзіў памочніка, які прыехаў з ім, а сваю палову перасадзіў ў асабістую машыну. Такім чынам, жанчына, якая падазраецца ў кіраванні аўтамабілем у нецвярозым выглядзе, з'ехала без складання пратаколу.

Аднак гісторыя мела працяг, паколькі, калі жанчына тэлефанавала мужу, супрацоўнікі ДАІ выклікалі на дапамогу свайго таварыша. Далейшую частку канфлікту ён фіксаваў на відэа.

Даішнікі, хоць і не змаглі дамагчыся законнасці пры непасрэдным сутыкненні з высокім чынам, вырашылі не спускаць гэтую справу на тармазах. Відэа інцыдэнту выклалі ў інтэрнэт, пра што далі сігнал КДБ.

Зачэпкай для ўзбуджэння крымінальнай справы сталі зафіксаваныя на відэа дарагія аўтамабілі начальніка і яго жонкі, якія цягнулі на суму больш чым 150 тысяч даляраў.

Аператыўнікі папрасілі высокапастаўленага чыну распавесці пра свае даходы, бо яго заробку на набыццё такіх машын ніяк хапіць не магло. Спасылкі на дапамогу сваякоў не дапамаглі. Разам з інцыдэнтам з ДАІ былі выяўленыя і іншыя выпадкі перавышэння паўнамоцтваў. Начальнік быў арыштаваны, у дачыненні да яго распачалі крымінальную справу

Застаецца спадзявацца, што суд (дата яго пачатку пакуль не прызначаная) у дачыненні да абвінавачанага будзе адкрытым, і журналістам удасца праверыць дакладнасць вышэйпададзенай версіі.