Апублікаваныя дакументы КДБ аб сачэнні за турыстамі ў Літве

Дакументы раскрываюць агентурна-аператыўныя меры, якія ўжываліся ў дачыненні да турыстаў.

Цэнтр даследавання генацыду і рэзістэнцыі насельніцтва Літвы на сайце kgbveikla.lt апублікаваў дакументы, якія захоўваюцца ў Асобым архіве Літвы і сведчаць пра дзейнасць КДБ па кантролі над турыстамі, піша ru.delfi.lt.

Як паведамляе цэнтр, усяго апублікавана 62 новых дакумента. Яны раскрываюць агентурна-аператыўныя меры, якія ўжываліся ў адносінах да замежных турыстаў, ажыццяўляючы іх праверку і сачэнне за імі. Таксама апублікаваныя дакументы, якія сведчаць пра ўкараненне агентаў і іншых правераных асоб у турыстычныя групы, якія выязджалі з Літвы за мяжу, і пра кантроль над гэтымі групамі.

Напрыклад, у 1978-1979 г. з Літвы ў так званыя капіталістычныя, сацыялістычныя і краіны, якія развіваюцца, выехала 165 турыстычных груп 5 тыс. 65 чалавек. Для «контрвыведніцкага забеспячэння» турыстаў з гэтымі групамі былі адпраўленыя 21 работнік КДБ, 182 агента і 312 надзейных асоб. З-за «слабой палітычнай падрыхтоўкі» са спісаў гэтых груп КДБ выключыла 281 чалавека.

ЦІГРНЛ у адпаведнасці з Законам аб Цэнтры вывучэння генацыду і рэзістэнцыі насельніцтва Літвы ажыццяўляе праверку, аналіз і публікацыю дакументаў спецыяльных службаў СССР.

Фота: DELFI