Сяргей Касціцын атрымае $2 мільёны
5- 4.07.2013, 15:40
- 9,230
«Нэшвіл» выставіў форварда Сяргея Касціцына на драфт адмоваў з мэтай наступнага выкупу кантракту.
Такім чынам, «Прэдатарс» выплацяць 26-гадоваму беларусу 2 мільёны даляраў на працягу 2 гадоў, піша sports.ru.
Раней паведамлялася, што Касціцын можа перайсці ў «Авангард». Агент гульца Дон Мін у інтэрв'ю The Tennessean заявіў, што вялікая верагоднасць працягу кар'еры яго кліента ў КХЛ.
У 46 матчах за «Нэшвіл» у сезоне-2012/13 Касціцын адзначыўся 15 (3+12) выніковымі баламі.
Дадамо, што падчас лакаўту ён выступаў за «Авангард», набраўшы 28 (9+19) ачкоў у 27 гульнях.