Сын Чаргінца пра рэбрэндынг «Белавія»

Змены плануюцца ад візітовак да самалётаў.

Намеснік генеральнага дырэктара кампаніі «Белавія» Ігар Чаргінец распавёў аб планах яе рэбрэндынгу. Яго плануецца скончыць да канца гэтага года. Пакуль жа авіякампанія правяла першы этап падрыхтоўкі і спынілася на выбары арганізацый, якія гэтым будуць займацца. Авіякампанія расчалася з абнаўленнем брэнда ў студзені гэтага года, калі прайшла прэзэнтацыя новай формы бортправаднікоў, піша onliner.by.

«Мы правялі перамовы з дзясяткам кампаній, якія гэтым займаюцца ў Беларусі, у тым ліку і з замежнымі кампаніямі, якія маюць тут свае філіі. Прайшлі кансультацыі, адбылася прэзэнтацыя магчымасцяў кампаній і

ды іх прапаноў. Аднак у часе гэта выпала на лета, перыяд масавых перавозак. Мы фізічна не можам заняцца гэтым цяпер. Таму мы крыху адклалі гэты працэс і вернемся да яго ўвосень», - адзначыў Ігар Чаргінец.

Аб сумах, якія кампанія гатовая выдаткаваць на рэбрэндынг, і тэрмінах яго рэалізацыі, пакуль нічога не кажуць.

«Пасля таго як будзе вызначаны набор складнікаў рэбрэндынгу і выстаўленая прапанова, колькі гэта будзе каштаваць, тады авіякампанія прыме пастанову, - удакладніў Ігар Чаргінец. - Рэбрэндынг, мусібыць, уключыць змену колеравай гамы авіякампаніі - пачынаючы з візітовак і заканчваючы самалётамі. Шмат філасофскіх пытанняў у гэтым».

Журналісты пацікавіліся ў намесніка гендырэктара «Белавія», ці не жадае ён узяць ідэі рэбрэндынгу з фільма «Вайна сусветаў Z», бо шмат хто запомніў экіпаж і борт самалёта, які выратаваў Брэда Піта.

«Я не глядзеў фільм. Але мне даслалі паглядзець вельмі маленькі кавалачак - самы важны, - сказаў Ігар Чаргінец. - Гэта добрая ідэя! Мы падумаем і, можа, так і зробім».

Намеснік галоўнага дырэктара кампаніі «Белавія» з'яўляецца сынам вядомага чыноўніка і старшыні праўладнага Саюза пісьменнікаў Мікалая Чаргінца.