Юрый Хашчавацкі: Наступную прэмію Лукашэнка атрымае за падатак на шопінг

Беларускі кіраўнік заслугоўвае таго, каб быць шматразовым лаўрэатам «шнобелеўкі».

Такім чынам рэжысёр Юрый Хашчавацкі пракаментаваў сайту charter97.org атрыманне беларускім дыктатарам Шнобелеўскай прэміі.

«Нарэшце, ажыццявілася тое, пра што мы так даўно марылі - Лукашэнку далі Шнобелеўскую прэмію. І я лічу, што за справу. Наступная будзе за падатак у 100 даляраў на шопінг за мяжой. Я думаю, што ён наогул будзе шматразовым лаўрэатам гэтай прэміі. Беларускі кіраўнік ужо заваяваў сабе аўдыторыю ва ўсім свеце. У многіх краінах яго паказваюць замест містэра Біна. Усе з яго смяюцца, усе паказваюць пальцам, як на тыповага блазна», - адзначыў рэжысёр.

Ён перакананы, што Лукашэнка хацеў бы забраць гэтую прэмію, але не можа, бо з'яўляецца неўяздным у Еўропу.

«Беларускі дыктатар можа звярнуцца да сусветнай супольнасці з просьбай выпісаць яму аднаразовы пропуск для яе ўручэння ў Гаазе. Калі б да гэтай прэміі прыкладаўся крэдыт у пару мільярдаў даляраў, то кіраўнік дакладна б паехаў, але пакуль што можа пацярпець. Галоўнае, што ўсе ведаюць пра тое, што ён з'яўляецца лаўрэатам Шнобелеўскай прэміі. А гэта ўсяляе ў нас вялікія надзеі», - падсумаваў Юрый Хашчавацкі.

Нагадаем, Гарвардскі ўніверсітэт узнагародзіў беларускага дыктатара Шнобелеўскай прэміяй, якая ўручаецца за дурныя ўчынкі.