Крамлю сорамна за віншавальную тэлеграму Лукашэнку?
18- 2.09.2013, 10:34
- 66,423
Крэмль паспрабаваў зрабіць добрую міну.
Па паведамленні РСН, прэзідэнт Расеі ўсё ж павіншаваў Лукашэнку з Днём народзінаў, піша «Товарищ.online».
30 жніўня СМІ пісалі пра тое, што на 15.00 па маскоўскім часе не было афіцыйнай інфармацыі: павіншаваў Уладзімір Пуцін Аляксандра Лукашэнку ці не. Пазней такая інфармацыя ўсё ж з'явілася.
Прэс-сакратар прэзідэнта РФ паведаміў, што ніякіх высноў з гэтага рабіць не варта: «Існуе звычайная пратакольная практыка, у адпаведнасці з якой прэзідэнт віншуе сваіх калегаў у іншых краінах. Віншавальная тэлеграма была накіраваная».
Але гэтая інфармацыя напусціла яшчэ больш туману.
Да гэтага часу на афіцыйным сайце прэзідэнта Расейскай Федэрацыі не выкладзены тэкст паслання.
Маўчыць і беларускае дзяржаўнае інфармацыйнае агенцтва, хоць у мінулым годзе распісала, які выдатны чалавек жыве і кіруе Беларуссю.
Няўжо, Крамлю сорамна за віншавальную тэлеграму?