Скаргу на меру стрымання Баўмгертнеру разгледзяць 6 верасня
5- 4.09.2013, 15:07
- 10,613
Скаргу абароны на меру стрымання генеральнаму дырэктару «Уралкалію» Уладзіславу Баўмгертнеру суд Партызанскага раёна Менска разгледзіць 6 верасня.
Пра гэта паведаміў агенцтву «Інтэрфакс-Захад» у сераду адзін з яго адвакатаў Дзмітрый Гарачка.
«З суда паведамілі, што разгляд скаргі прызначаны на гэтую пятніцу», - сказаў Гарачка.
У адпаведнасці з Крымінальна-працэсуальным кодэксам Беларусі скарга на меру стрымання будзе разглядацца судом у закрытым судовым пасяджэнні.
Нагадаем, 26 жніўня ў Беларусі быў затрыманы гендырэктар «Уралкалію» Уладзіслаў Баўмгертнер. Яму было прад'яўленае абвінавачванне ў злоўжыванні ўладай і службовымі паўнамоцтвамі, магчымая санкцыя - пазбаўленне волі на тэрмін да дзесяці гадоў.
Напярэдадні арышту ён знаходзіўся ў Беларусі па пісьмовым запрашэнні прэм'ер-міністра краіны Міхаіла Мясніковіча.
Запрашэнні былі таксама накіраваныя старшыні савета дырэктараў «Уралкалію» Аляксандру Валошыну і акцыянеру кампаніі Сулейману Керымаву.