Маладзечанскія стралкі: Стаміліся гуляць на кампутары і вырашылі пастраляць

Супрацоўнікі крымінальнага вышуку Маладзечанскага РАУС затрымалі хуліганаў, якія напярэдадні днём абстралялі з пнеўматычнага пісталета тры аўтобуса.

Імі апынуліся двое маладых людзей 1995 і 1996 года нараджэння, адзін з якіх вучыцца ў вучылішчы №21, а другі скончыў вячэрнюю школу, нідзе не вучыцца і не працуе, паведамляе прэс-служба УУС Менаблвыканкама.

Затрыманыя растлумачылі, што стаміліся гуляць у кампутар, вырашылі знайсці сабе іншую забаўку, а менавіта - апрабаваць пнеўматычны пісталет, набыты напярэдадні з рук. Выйшаўшы на балкон шостага паверха, яны некалькі разоў стрэлілі па вокнах маршрутных аўтобусаў, якія праязджалі міма.

Нагадаем, што ў нядзелю 8 верасня каля 16.30 у Маладзечанскі РАУС патэлефанаваў кіроўца філіяла «Аўтобусны парк №4», які паведаміў, што на вул.Ф.Скарыны, у маршрутным аўтобусе, якім ён кіраваў, пашкоджанае бакавое шкло. На месца здарэння была накіраваная следча-аператыўная група, якая ўстанавіла, што ў перыяд з 16.00 да 16.30 невядомы грамадзянін, паблізу прыпынку «Птушка» па вул.Ф.Скарыны, абстраляў з пнеўматычнай зброі тры маршрутных аўтобуса, пры гэтым пашкодзіўшы 4 бакавых шкла. На шчасце, ніхто з пасажыраў не пацярпеў.

Маладзечанскім РАСК узбуджаная крымінальная справа па ч.1 арт.339 Крымінальнага кодэкса Рэспублікі Беларусь - хуліганства.