Заяц з'ехаў у Маскву гандляваць
6- 1.10.2014, 12:35
- 6,321
Міністр сельскай гаспадаркі і харчавання Беларусі Леанід Заяц правядзе ў сераду ў Маскве перамовы ў пытаннях гандлю харчаваннем.
Пра гэта паведаміла РІА «Новости» прэс-сакратарка міністэрства Зінаіда Бярэшчанка.
«Ён накіраваўся ў Маскву для перамоваў», - сказала яна. Са слоў Бярэшчанкі, візіт будзе доўжыцца адзін дзень, першая сустрэча ў профільных ведамствах запланаваная на раніцу 1 кастрычніка.
У жніўні Расея забараніла імпарт прадуктаў з шэрагу заходніх краін у адказ на прынятыя супраць яе санкцыі праз сітуацыю на Украіне. Менск разлічвае часткова замясціць забароненую прадукцыю сваёй.
Разам з тым расейскі бок, у прыватнасці, Рассельгаснагляд, цягам апошняга месяца неаднаразова выказваў прэтэнзіі з нагоды якасці прадукцыі жывёлагадоўлі беларускіх прадпрыемстваў і выпадкаў пастаўкі праз тэрыторыю рэспублікі ў РФ забароненай прадукцыі.