Усе затрыманыя ў Барысаве ўкраінцы вызваленыя (Відэа)
19- 11.10.2014, 16:17
- 26,599
Футбольныя фанаты ўжо прыбылі ва Украіну.
Прадстаўнік Міністэрства замежных спраў Яўген Перабыйніс паведаміў, што ўкраінскія заўзятары, затрыманыя ў чацвер пасля футбольнага матчу Беларусь-Украіна, ужо вызваленыя і прыбылі дадому, паведамляе 24tv.ua.
«У мэтах выканання даручэння кіраўніка дзяржавы МЗС Украіны прыняло вычарпальныя меры, у выніку якіх вызваленыя ўсе заўзятары, у тым ліку, восем балельшчыкаў, якія былі арыштаваныя на розныя тэрміны», - адзначыў Перабыйніс.
З ягоных слоў, усе заўзятары ўжо вярнуліся ва Украіну.
Нагадаем, 9 кастрычніка пасля матчу зборных Беларусі і Украіны былі затрыманыя дзясяткі заўзятараў - грамадзян Украіны. Аднак у суд даставілі толькі 15 украінцаў.
Пасля ўмяшання прэзідэнта Украіны суд адпусціў чатырох фанатаў, да гэтага восем былі арыштаваныя на розныя тэрміны.