Сечын будзе аспрэчваць санкцыі Захаду супраць «Раснафты»

Расейская нафтавая кампанія мае намер наняць юрыстаў з Вялікабрытаніі, каб аспрэчыць санкцыі супраць яе і даччыных прадпрыемстваў.

Пра гэта сведчыць дакумент, размешчаны на партале дзяржзакупак 9 кастрычніка, піша Лiга.нет.

Гадзіна працы юрыстаў будзе каштаваць 478 фунтаў стэрлінгаў. Курс фунта да рубля раніцай 11 кастрычніка склаў каля 64,7 рублёў, з чаго вынікае, што брытанскія юрысты атрымаюць за гадзіну працы блізу 31 тысячы расейскіх рублёў. Адпаведна, агульная сума ганарару за працу ў расейскіх рублях складае блізу 1,145 мільярда рублёў.

Характэрна, што паводле пажаданняў расейскай кампаніі, юрыдычная фірма абавязкова павінна быць падатковым рэзідэнтам Вялікабрытаніі і падаць кампаніі сведчанне, якое гэта пацвердзіць.

Нагадаем, чарговы пакет санкцый ЗША і Еўразвязу ў дачыненні да Расеі ў сувязі з украінскім крызісам увайшоў у дзеянне 12 верасня. Тады пад санкцыі патрапілі, сярод іншых, пяць расейскіх энэргетычных кампаній - Раснафта, Лукойл, Газпром, Газпром Нафта і Сургутнафтагаз.