Дэвід Крэмэр: Украіна не з'яўляецца прыярытэтам для Абамы

Украіна зможа разлічваць на дапамогу ЗША толькі ў тым выпадку, калі «смялей возьмецца за рэформы».

Пра гэта заявіў кіраўнік праваабарончай арганізацыі Freedom House Дэвід Крэмер, перадае украінская служба «Радио Свобода».

«Урад Злучаных Штатаў надае вельмі шмат увагі барацьбе з карупцыяй. Думаю, што візіт памочніцы дзяржсакратара Вікторыі Нуланд ва Украіну стаў дэманстрацыяй гэтага. Падстава антыкарупцыйнага бюро - пазітыўны крок, але мы павінны ўбачыць, што справы распачынаюцца, расследуюцца і людзі прыцягваюцца да адказнасці. Пакуль гэтага не адбудзецца, будзе заставацца занепакоенасць, што, магчыма, новая ўлада Украіны не так моцна адрозніваецца ад папярэдніх урадаў", - сказаў Дэвід Крэмер.

Экспэрт таксама адзначае важнасць датэрміновых выбараў у Вярхоўную Раду і не бачыць ніякіх праблем у тым, што туды вылучаюцца журналісты, грамадскія дзеячы і камандзіры добраахвотніцкіх батальёнаў.

«У Вашынгтоне дзейнічае прынцып «дзвярэй, што верцяцца», калі людзі ідуць ва ўрад, затым у грамадскія і прыватныя арганізацыі і зноў ва ўрад. Думаю, што не павінна быць ніякіх абмежаванняў для грамадскіх дзеячаў, якія ідуць у парламент ці ўрад», - адзначыў Дэвід Крэмер.

Ён пераконвае, што ўсё ж не ўсё залежыць ад Украіны ў яе стасунках з Вашынгтонам, для якога цяпер ёсць шмат іншых прыярытэтных зон.

«Калі паглядзець на аўтарытэтныя выданні Washington Post, New York Times Wall Street Journal, Украіна сышла з радара. Сёння наогул не было артыкула пра Украіну ў Washington Post. Артыкулы пра Украіну, нават калі яны і ёсць, не выносяцца на першыя палосы. Украіна ўжо не з'яўляецца галоўнай тэмай, яна, на жаль, выпала са спісу прыярытэтаў і для прэзідэнта Абамы

Прэзідэнт мяркуе, што выдача Украіне зброі будзе разглядацца Масквой як правакацыя. Я думаю, што ён не мае рацыю, Расея ўжо ўварвалася, і яна ўжо ў стане вайны з Украінай. Таксама ёсць пэўнае пачуццё, заснаванае на каментарах, сказаных у асабістых размовах, з якіх стала зразумела, што для яго Украіна не такая ўжо і важная, і тое, што адбываецца там, не тычыцца ЗША. Гэта, вядома, памылка», - перакананы Дэвід Крэмер.

На ягоную думку, спыняць санкцыі ў дачыненні да Крамля таксама не варта.

«Мы павінны нават спыніць размову аб іх паслабленні, бо гэта накіроўвае сігнал Пуціну, што мы губляем вытрымку і застаемся ў гэтай гульні надоўга», - адзначыў кіраўнік Freedom House.