Тысячы жыхароў Баку патрабавалі адстаўкі Аліева ды інтэграцыі з ЕЗ
14- 12.10.2014, 21:26
- 21,908
У сталіцы Азербайджана прайшла акцыя апазіцыі.
Тысячы яе прыхільнікаў патрабавалі адстаўкі прэзідэнта Ільгама Аліева, спынення рэпрэсій, вызвалення палітвязняў і шчыльнай інтэграцыі з Еўрапейскім Звязам, перадае «Радио Свобода».
Дэманстрацыю арганізавала Нацыянальная рада дэмакратычных сіл - рух за дэмакратыю аб'яднаных апазіцыйных сіл Азербайджана. Мерапрыемства было санкцыянаванае ўладамі, аднак месцам яго правядзення быў далёкі стадыёне на ўскрайку горада.
Дэманстрацыя прайшла мірна, але яе арганізатары заявілі пра відавочныя, з іх слоў, правакацыі з боку ўлады з мэтай дыскрэдытаваць апазіцыю.
Прынамсі, некалькі чалавек на дэманстрацыі спрабавалі падняць чорныя сцягі радыкальнай ісламісцкай групоўкі «Ісламская дзяржава». Арганізатары звярнуліся ў паліцыю з просьбай вывесці гэтых людзей.