Парашэнка: Мітынг тэрміновай службы Нацгвардыі справакавалі замежныя спецслужбы

Прэзідэнт мяркуе, што «ВВшники» дыскрэдытавалі ўкраінскае войска.

Як паведамляе lb.ua, учорашні мітынг вайскоўцаў Нацгвардыі (былых байцоў унутраных войскаў) каля будынка Адміністрацыі прэзідэнта на вуліцы Банкавая ў Кіеве - правакацыя замежных спецслужбаў. Пра гэта ў Запарож’і заявіў прэзідэнт Пётр Парашэнка.

«Мне было шкада глядзець на марш дарослых мужчын, якія павяліся на правакацыю замежных спецслужбаў і ўдзельнічалі ў гэтай немасавай акцыі і спробе дыскрэдытаваць ўкраінскае войска», - сказаў ён.

Парашэнка адзначыў, што акцыя прадэманстравала неабходнасць звярнуць увагу на дысцыпліну і адказнасць за яе парушэнне. Ён мяркуе, што ўдзельнікі акцыі не з'яўляюцца тварам Узброеных сіл Украіны.

Нагадаем, учора пад адміністрацыяй прэзідэнта ў Кіеве мітынгавалі блізу 300 вайскоўцаў тэрміновай службы Нацгвардыі - спецыяльнага вайсковага падраздзялення міліцыі, створанага на базе Унутраных войскаў МУС. Мітынгоўцы патрабавалі дэмабілізацыі. Вайсковая пракуратура распачала ў дачыненні да мітынгоўцаў справы.

Фота: AP/Sergei Grits