Да Лукашэнкі прыехаў Бердымухамедаў
11- 8.10.2014, 15:25
- 10,751
Дэлегацыя Туркменістана на чале з Гурбангулы Бердымухамедавым прыбыла ў Беларусь з афіцыйным візітам.
Сёння адбудуцца афіцыйныя перамовы паміж кіраўнікамі дзвюх краін, паводле вынікаў якіх плануецца падпісаць шэраг дакументаў у пытаннях двухбаковага супрацоўніцтва ў розных сферах, піша БелаПАН.
«У апошнія гады традыцыйна дружалюбныя туркмена-беларускія міждзяржаўныя стасункі здабылі новую якасць і напаўненне, - гаворыцца ў афіцыйным паведамленні дзяржаўнага інфармагенцтва Туркменістана (TDH). - Частата асабістых сустрэч лідараў дзвюх краін - нагляднае пацвярджэнне зацікаўленасці старон ва ўмацаванні палітычных, эканамічных і культурна-гуманітарных сувязяў, якія выйшлі з часу ўсталявання дыпламатычных дачыненняў паміж Туркменістанам і Рэспублікай Беларусь у студзені 1993 года на якасна новую прыступку развіцця».
Пасля завяршэння афіцыйнага двухдзённага візіту ў Беларусь Бердымухамедаў возьме ўдзел у пасяджэнні Савета кіраўнікоў дзяржаў СНД, якое пройдзе ў Менску 10 кастрычніка.
57-гадовы Бердымухамедаў займае вышэйшую дзяржаўную пасаду сваёй краіны з лютага 2007 года. Апошні раз Бердымухамедаў здзяйсняў афіцыйны візіт у Беларусь у красавіку 2012 года.
Напярэдадні цяперашняга візіту Лукашэнка даў інтэрв'ю туркменскім СМІ. Ён «адказаў на цэлы шэраг пытанняў, якія тычацца стану і перспектыў двухбаковых беларуска-туркменскіх стасункаў у гандлёва-эканамічнай і вытворчай сферах, у галіне транзіту і транспарту, сумеснага навучання і падрыхтоўкі кваліфікаваных кадраў для высокатэхналагічных сектараў эканомік дзвюх краін», паведаміла прэс-служба беларускага дыктатара.
Асобная ўвага «было нададзеная найбольш знакавым праектам беларуска-туркменскага супрацоўніцтва, сярод якіх найважнейшым з'яўляецца будаўніцтва беларускай стараной у Туркменістане Гарлыкскага горна-абагачальнага камбіната ў здабычы калійных угнаенняў».