Уначы ўкраінскія дроны ўдарылі па нафтабазе ў Варонежскай вобласці РФ

Атакаванае прадпрыемства «Варонежнафтапрадукт».

Уночы ў сераду, 1 траўня, беспілотнікі атакавалі не толькі Разанскі НПЗ, але і прадпрыемства «Варонежнафтапрадукт» у Варонежскай вобласці. Абодва аб'ектамі валодае Раснафта.

Са звестак расейскага партала Astra, сёння ўночы нібыта збіты беспілотнік упаў на тэрыторыю АТ «Варонежнафтапрадукт» на хутары Старая Пакроўка (Варонежская вобласць РФ). Паводле гэтых звестак, пашкоджанняў і пацярпелых нібыта няма.

Губернатар Варонежскай вобласці Аляксандр Гусеў заявіў, што ўсяго на тэрыторыі рэгіёну было нібыта «выяўлена і збіта» тры БПЛА, адзін з іх - у прадмесці Варонежа. Гусеў нічога не паведаміў аб нападзе на аб'екты «Варонежнафтапрадукта», але сцвярджае, што ў выніку падзення абломкаў аднаго БПЛА «пашкоджанні атрымалі тры прыватныя дамы: у іх пасечаныя вокны, фасады, платы, дзверы».

Са звестак расейскага агенцтва Інтэрфакс, АТ «Варонежнафтапрадукт» прадае паліва ураздроб праз уласную сетку АЗК і дробнааптовым спажыўцам з нафтабаз. «Варонежнафтапрадукт» валодае чатырма нафтабазамі і сям'ю міні-тэрміналамі.