Георгій Кандрацьеў: Будзем гуляць на перамогу, адступаць нам няма куды

Сёння нацыянальная каманда Беларусі правядзе матч з камандай Украіны.

Традыцыйна напярэдадні хатняга двубою галоўны трэнер нацыянальнай каманды Георгій Кандрацьеў трымаў адказ перад прадстаўнікамі СМІ. Тыя цікавіліся станам Рэнана Брэсана і Юрыя Жаўнова, актуальнымі задачамі на цыкл і меркаваннем пра спаборніка. Усё, што вам трэба ведаць напярэдадні сустрэчы, - у стэнаграфіі карэспандэнта «Прессбола».

Пытанні да настаўніка і капітана Цімафея Калачова, які прыйшоў разам з ім на прэс-канферэнцыю, чаргаваліся. Аднак у мэтах канцэптуальнага адзінства спачатку даем адказы галоўнага ўдзельніка мерапрыемствы.

- Якія высновы Вы зрабілі пасля няўдалага матчу з камандай Люксембурга?

- Галоўнае ў тым, што страцілі два балы. Адпаведна, у будучых гульнях пастараемся здагнаць страчанае.

- Ваша меркаванне аб зборнай Украіны? Якія матчы з яе ўдзелам бачылі?

- Украінцы - гэта адзін з фаварытаў групы. Добрая, моцная, збалансаваная каманда ва ўсіх лініях. Бачыў абедзве гульні спаборніка супраць французаў, таксама двубоі супраць каманды са Славакіі і Малдовы. Увогуле, маем усю інфармацыяй аб спаборніку. Праўда, ведаць патрэбнае і згуляць годна - гэта розныя рэчы. Думаю, самім трэба падрыхтавацца добра.

- Кіраўнік дзяржавы ў дастаткова жорсткай форме выказаўся на адрас кіраўніцтва федэрацыі і трэнерскага штаба зборнай каманды. На Вас не цісне гэтая акалічнасць?

- На мяне - не абсалютна, як на хлопчыкаў і дзяўчынак - не магу сказаць, не ведаю.

- Вы сказалі, што праглядалі матчы зборнай каманды Украіны. У спаборніка даволі стабільны склад. Гэта каму плюс: украінцам у плане згулянасці ці вам у разборы іх гульні?

- Вы самі адказалі на сваё пытанне. Тут два бакі медаля. Для зборнай Украіны гэта, вядома, добра. Нам жа прасцей вывучыць манеру гульні гасцей.

- З Вашых словах, украінцы - адны з фаварытаў групы. Ці значыць, гэта што і ў сённяшнім матчы таксама?

- Не ставіў бы так пытанне. Усё ж такі мы выступаем дома, пры родных заўзятарах, на сваім полі. Гэта абавязкова прымусіць нас гуляць на перамогу. Так, на паперы, паводле рэйтынгу, паводле клубнага прадстаўніцтва выканаўцаў – спаборнік фаварыт. Запярэчыць нельга. Аднак нам адступаць няма куды. Мы пастараемся, каб пасля гульні фаварытам была зборная каманда Беларусі.

- Што абумовіла поспех славакаў у двубоі з украінцамі?

- Яны даволі зладжана і ўдала згулялі ў абароне. Плюс на іх баку была фартуна. Гаспадары ў той сустрэчы мелі 5-6 момантаў, якія абавязаныя былі зрэалізоўваць. Украінцы ў гульні глядзеліся лепш.

- У зборную каманду запрошаны Юрый Жаўноў. У якой ён знаходзіцца форме?

- Юра выглядае добра. За ім сачыў у матчах чэмпіянату Расеі. Калі такога чалавека запрашаем, значыць, на яго разлічваем, як на нумар адзін.

- Чаму не выклікалі Аляксандра Глеба?

- Мог бы сказаць "без каментароў"... Але скажу так: калі трэнер адмаўляецца ад такога гульца, ёсць прычыны. А вось пра прычыны казаць не буду.

- Георгій Пятровіч, тры гады таму вы дамагліся зайздроснага выніку з моладзевай зборнай камандай. Што перашкаджае дасягаць аналагічных поспехаў на чале нацыянальнай каманды?

- На жаль, губляем шмат гульцоў пры пераходзе з моладзевага ўзросту. На жаль, нашых футбалістаў вельмі рэдка запрашаюць у вядучыя клубы Еўропы. У найлепшым выпадку - у Расею. Прычым там яны часцяком сядзяць на лаўцы і не прагрэсуюць. Так, Сярожа Крывец перайшоў у "Мец", рады за яго. Цяпер ён гуляе ў моцным чэмпіянаце, тым не менш каманду складана назваць вядучай. Чаму зборная каманда, якую мы абыгралі на маладзёжным EURO 2:0 - Ісландыя – цяпер лепш за нас выступае ў дарослым футболе? Таму што ў іх шмат хлопцаў гуляе ў Англіі. Практычна ўся тая "моладзь" прэзентуе сягоння нацыянальную каманду. Яны прагрэсуюць, яны ў Еўразвязе. Нам жа складана ў гэтым пытанні. Пакуль беларусы не будуць гуляць у моцных камандах, нам будзе складана з кожным трэнерам.

- Вашае меркаванне аб псіхалагічным стане Рэнана Брэсана?

- Ён адназначна прыйшоў у нармальны стан. Рэнан вельмі задаволены пераходам у партугальскі клуб. Родная мова ізноў жа. Увогуле, Брэсан вельмі задаволены. Што да фізічнага стану, меркаваць з трэніровак складана. Рэнан вяртаецца да мінулага ўзроўню, але пакуль не выглядае так, як у часы выступаў за барысаўскі БАТЭ.

- У матчах Лігі чэмпіёнаў добра зарэкамендавалі сябе маладыя хлопцы з БАТЭ. Разглядалі магчымасць іх выкліку?

- Пра гэта можна было б весці гаворку, калі б наступны матч быў таварыскім. Запрашаць жа іх перад афіцыйнай сустрэчай няма сэнсу. Так, я бачу, што яны прагрэсуюць. Але адна-дзве ўдалыя гульні - не падстава.

- Якія актуальныя задачы на адборачны цыкл? Што можа азначаць страта балаў у бліжэйшых двух сустрэчах? Дзевяць балаў у гэтым годзе ўжо не набраць...

- Ніхто пра перамогі ва ўсіх трох сустрэчах і не кажа. Ставім задачу перамагчы перад кожнай гульнёй. Напярэдадні старту цыклу гаворка аб дзевяці балах у трох стартавых баталіях не ішла. Можа, яшчэ нам 27 або 30 балаў трэба ў выніку ў групе набраць?

- Ці плануеце зладзіць ратацыю ў двух будучых бітвах? Ці ў нядзелю выйдуць на поле тыя ж штыкі, што і ў чацвер?

- Дайце спачатку згуляць з Украінай. Раз столькі людзей выклікалі - значыць, магчымасць унясення правак разглядаем. Аднак калі хлопцы нармальна сябе будуць адчуваць і даб'юцца станоўчага выніку ў двубоі з украінцамі, чаму б не выпусціць той жа склад? У Савецкім саюзе мы гулялі на выездзе ў Ерэване, а ўжо праз два дні - у Баку. Так што, думаю, аднавіцца паспеюць.

- Ці разглядалі магчымасць выкліку кагосьці замест траўмаванага Паліцевіча?

- Не. У нас дастаткова выканаўцаў.

Не застаўся без увагі журналістаў і Цімафей Калачоў.

- Ваш каментар пра нічыю з камандай Люксембурга...

- Што сказаць? Не перамаглі. Зразумелая справа, разлічвалі на перамогу, як і ўсе заўзятары. У будучых матчах трэба рэабілітавацца і дамагчыся станоўчага выніку, каб выканаць пастаўленыя на цыкл задачы.

- Што скажаце пра зборную каманду Украіны?

- Моцны спаборнік. Мы ўжо гулялі адзін з адным. Ведаем, што каманда моцная фізічна, ёсць хуткія, тэхнічныя гульцы. Гуляем дома, таму разумеем, што мы не слабейшы​​я. Будзем старацца перамагчы. Іншага выйсця няма ў прынцыпе.

- Раней зборная на "Дынама", цяпер - на "Барысаў-Арэне". Можаце параўнаць?

- Добры пытанне. Ведаеце, выпадкова паглядзеў гульні пяцігадовай даўніны. Дык вось на "Дынама" людзі сапраўды заўзелі, прыходзіў поўны стадыён, гуляць было ў задавальненне. Трэба сказаць, што стадыён у Барысаве пабудаваны паводле самых высокіх стандартаў, але там мы не гулялі пры аншлагу. Наогул, цяжка судзіць. Ад менскага стадыёна засталіся самыя добрыя ўражанні. Зрэшты, і ў Барысаве на матчах з украінцамі і славакамі, думаю, "Арэна" запоўніцца цалкам. Атмасфэра не павінна быць горшая.

- Каго персанальна вылучыце ў шэрагах спаборніка?

- У камандзе Украіны ёсць дастаткова футбалістаў, якіх варта баяцца. Гэта два крайнія паўабаронцы. Плюс нападнік, які ўвесь час прэсінгуе. Наогул, у іх уся каманда - гэта гульцы добрага ўзроўню. Кагосьці выдзяляць не стану. У кожным выпадку супраць украінцаў складана будзе гуляць.