Фанаты «Кубані» выставілі ўльтыматум Кучуку

Заўзятары ФК «Кубань» не бачаць важкіх прычын адстаўкі Ганчарэнкі.

Аб'яднанне заўзятараў «Кубань» выступіла з заявай з нагоды рашэння кіраўніцтва клуба звольніць былога галоўнага трэнера Віктара Ганчарэнку і прызначыць на ягонае месца Леаніда Кучука, піша tribuna.com.

«На мінулым тыдні ў жыцці нашага клуба адбылася падзея, якая ўзрушыла ўсю футбольную грамадскасць не толькі Расеі, але і брацкай Беларусі - у адстаўку з пасады галоўнага трэнера «Кубані» быў адпраўлены Віктар Міхайлавіч Ганчарэнка, пад кіраўніцтвам якога наш клуб дзяліў ў табліцы 3- 5 месца (на момант адстаўкі). Другой часткай «мерлезонскага балета» стала прызначэнне на пасаду ГТ Л. С. Кучука - чалавека, якому мы і, дарэчы, кіраўніцтва клуба далі зусім ясную ацэнку пасля таго, як ён парушыў сваё слова і пакінуў клуб у складанай сітуацыі. Распісваць усе публічныя моманты і шквал крытыкі ў адрас нашага клуба зноўку няма сэнсу - усе выдатна гэта бачылі. Заўзятарамі і фанатамі «Кубані» гэтая адстаўка практычна аднагалосна была сустрэтая негатыўна.

16 лістапада адбылася сустрэча прадстаўнікоў усіх аб'яднанняў заўзятараў ФК «Кубань» з генеральным дырэктарам Мураўёвым Е.І. Было выслуханае тлумачэнне прычын звальнення Ганчарэнкі В.М. Мы не пачулі нейкіх важкіх прычын адстаўкі Ганчарэнкі, а з агучанымі мы першапачаткова не былі згодныя. Магчыма, што мы не настолькі дальнабачныя і не так разбіраемся ў футболе, як нашае кіраўніцтва, але нагадаем, што клуб гуляе для заўзятараў, і нас бягучае становішча спраў цалкам задавальняла. Пазіцыя кіраўніцтва заключаецца ў тым, што паводле вынікаў 4 маючых адбыцца матчаў будзе бачная правільнасць рашэння. Менавіта на падставе гэтага мы вылучылі ўмову для кіраўніцтва - калі па заканчэнні 4 гульняў мы набіраем менш за 9 ачкоў (разлік быў зроблены са здагадкі, што з Ганчарэнкам каманда магла б набраць 6 ачкоў), то павінныя панесці пакаранне вінаватыя асобы. А менавіта - спартыўны дырэктар ФК «Кубань» - Дарончанка С.В. павінен быць таксама звольнены, так як дапусціў разлажэнне дысцыпліны ў камандзе ў перыяд са жніўня па лістапад 2014 года, як менеджэр, на падставе аналізу якога было зробленае памылковае рашэнне аб звальненні Ганчарэнкі В.М.

У дачыненні да Л.С. Кучука была прапанаваная наступная ўмова з нашага боку - гэты чалавек на гэты момант для нас не існуе, ён не мае права насіць адзенне з сімволікай нашага клуба да канца сезона, паводле вынікаў якога мы, можа быць, падкарэктуем сваё патрабаванне.

Са свайго боку, пакуль спадар Кучук выконвае гэтую ўмову, усе арганізаваныя групы заўзятараў і актыўных фанатаў не ладзяць масавай славеснай і банэрнай крытыкі на стадыёне ў адрас Л. С. Кучука. Лічым, што такая прапанова больш чым прымальная, улічваючы наступствы дэмаршу Кучука паўтара гады таму і нашых да яго адносін.

У выпадку невыканання дадзеных умоў, мы пакідаем за сабой права ўсімі законнымі спосабамі і мерамі дамагацца нашых патрабаванняў. Мы лічым, што за ўтоптванне ў бруд ФК «Кубань», усерасейскае «цкаванне» ад разнастайных СМІ і футбольных спецыялістаў, за нанясенне велізарнай страты імені клуба, вінаватыя абавязаныя панесці пакаранне! Мы - тыя, для каго ФК «Кубань» не праца, не футбольны клуб, а само жыццё - тыя, у каго зараз разрываецца сэрца ад таго, што адбываецца, мы маем права на гэты крок», - гаворыцца ў заяве фанатаў, пад якім падпісаліся аб'яднанні:

«Кубань ультрас»
«Кубанскія Кузьмічы»
«Crazy Host»
«Green Mile»
«Саміт»
«Вattle Тoads»
«Support 28»
«Peppers Band»
«Мотарота»
«Ежы»
«Трыбуна Поўдзень»
«Трыбуна Поўдзень»