Амерыканец зарабіў $1 мільён, гуляючы ў Call of Duty

Геймер выклаў на вядомы відэахостынг найлепшыя варыянты праходжання ўзроўняў і сабраў вялізную колькасць падпісчыкаў.

22-гадовы жыхар ЗША наважыў сумясціць прыемнае з карысным. Гуляючы дзень і ноч у кампутарную гульню Call of Duty, хлопец наважыў падзарабіць, піша «Комсомольская правда».

Стварыў рахунак на Youtube і выклаў туды найлепшыя варыянты праходжання ўзроўняў. Ды як пайшло! Ад падпісчыкаў не было адбою. За год - больш за паўтара мільёнаў падпісчыкаў. У грошах гэта мільён даляраў.

Зацікавіў нястомны геймер нават прадстаўнікоў вядомай кампаніі Red Bull. Яны нават знялі яму дом у Веніс-Біч, каб той мог у камфорце развіваць свае навыкі гульні і адточваць майстэрства.

Red Bull нават аплачвае хлопцу ёгу і здаровае харчаванне. Каб ён паляпшаў сваю фізічную цягавітасць.