Нямцоў: У галаве Пуціна засела паранаідальная думка

Пуцін мяркуе, што прычынай рэвалюцыі з'яўляюцца не памылкі ўлады, а спецслужбы ЗША.

Пра гэта ў эфіры тэлеканала «112 Украіна» заявіў расейскі апазіцыянер Барыс Нямцоў.

«У Пуціна існуе паранаідальная думка ў галаве аб тым, што ўсе рэвалюцыі арганізаваныя ў Дзярждэпе і ЦРУ. Думка пра тое, што прычынай рэвалюцыі з'яўляюцца жулікі і злодзеі, што абселі ўладу, хлусы і нягоднікі, якія падманваюць бясконца народ, - гэтая думка яму ў галаву прыйсці не можа», - заявіў ён.

Нямцоў мяркуе, што прычынай украінскай рэвалюцыі «стаў Януковіч»: «Не Дзярждэп і ЦРУ, а Януковіч, які 2 гады хлусіў украінскаму народу, што ён падтрымлівае еўраінтэграцыю, а потым узяў і ўсіх падмануў і не захацеў падпісваць пагадненне аб асацыяцыі, і таму народ тады і выйшаў, мірна і спакойна», - удакладняе расейскі палітык.

Расейскі апазіцыянер таксама адзначыў, што ўладам РФ зручней «абалваньваць рускі народ і расказваць яму, што ўсе, хто стаяў на Майдане, яны набытыя Дзярждэпам».

Са слоў Нямцова, прызначэнне датэрміновых выбараў і адстаўка ўрада Азарава маглі б дапамагчы пазбегнуць і Нябеснай сотні, і наступнай вайне.

«Аб'ектыўна, па-сумленнаму аналізаваць тое, што адбылося і ва Украіне, і дагэтуль у Грузіі, ён (Пуцін) не хоча. Ён хоча помсціць вам за тое, што вы зрынулі свайго жуліка. А жуліка, дарэчы, ён прыгрэў. Жуліка ён вам аддаваць не хоча, таму што бачыць у ім блізкую, родную кроў», - рэзюмаваў Нямцоў.