Шон Сімпсан можа ўзначаліць зборную па хакеі

Асноўным кандыдатам на пасаду галоўнага трэнера зборнай Беларусі з'яўляецца канадзец Шон Сімпсан.

Да нядаўняга часу ён узначальваў яраслаўскі «Лакаматыў», аднак за нездавальняючыя вынікі каманды ў КХЛ быў звольнены. Да гэтага Шон Сімпсан доўгі час працаваў са зборнай Швейцарыі, піша «Трибуна».

Раней памочнік Аляксандра Лукашэнкі ў спорце Максім Рыжанкоў заявіў, што прыярытэт пры прызначэнні галоўнага трэнера зборнай будзе аддадзены замежніку.

Нагадаем, Уладзімір Крыкуноў пакінуў пасаду галоўнага трэнера зборнай Беларусі і ўзначаліў «Нафтахімік».