Шорац: Бясплатнага праезду для студэнтаў не будзе
24- 26.11.2014, 10:47
- 9,816
Новы старшыня Менгарвыканкама заявіў, што вяртаць студэнтам бясплатны праезд улады не збіраюцца.
25 лістапада старшыня Менгарвыканкама Андрэй Шорац сустрэўся са школьнікамі і студэнтамі ў рамках агульнарэспубліканскага праекта ГА БРСМ «Адкрыты дыялог» Моладзь Беларусі: традыцыі і будучыня».
Студэнты спыталі, ці вернуць ім бясплатны праезд, як гэта было ў 2011 годзе, паведамляе «Менск-Навіны».
«Уводзіць бясплатны праезд не будзем, але паглядзім, магчыма, зробім яго ільготным ў нейкай ступені», - заявіў чыноўнік.
Моладзь таксама цікавілася, ці можа дзяржава даць зніжкі на набыццё вучэбнай літаратуры.
«Я агулам праціўнік ільгот, - адказаў Шорац. - Мы Павінны даць людзям магчымасць зарабіць і набыць тое, што ім неабходна. Што тычыцца літаратуры, то тут, я думаю, трэба разглядаць не катэгорыю людзей, а катэгорыю кніг».